ကိုယ်တိုင်ချက်ပြုတ်ပြီး အလှူလုပ်ခဲ့တဲ့ ချိုပြုံးနဲ့ဝင်းခန့်မိုးတို့မြေးအဘွားနှစ်ယောက်

ဝင်းခန့်မိုးကတော့ ချိုပြုံးရဲ့အနုပညာအမွေကို ဆက်ခံထားတဲ့မြေးချောလေးဖြစ်ပြီး လတ်တလောမှာတော့ ဒါရိုက်တာထူးပိုင်ဇော်ဦးရိုက်ကူးနေတဲ့ “လရောင်အောက်ဘက် မိုင်အဝေးမှာ” “Yangon In Love”ရုပ်ရှင်ဇာတ်ကားကြီးနှစ်ခုမှာ ပါဝင်သရုပ်ဆောင်နေသူပါ။

လတ်တလော ကိုဗစ်ကာလရိုက်ကူးရေးတွေရပ်နားထားတဲ့အချိန်မှာတော့ ကိုယ်ပိုင်Vlog လေးတစ်ခုလုပ်ပြီး သူလုပ်ဖြစ်တဲ့အလှူလေးတွေနဲ့ ဗွီဒီယိုလေးတွေကို မျှဝေပေးနေသူလည်း ဖြစ်ပါတယ်။ မကြာသေးခင်က အဖွားဖြစ်သူချိုပြုံးနဲ့အတူ အမိုက်စား Tik Tok လေးကို ရိုက်ကူးမျှဝေပေးခဲ့ပြီး ဒီတစ်ခေါက်မှာတော့ မြေးအဘွားနှစ်ယောက်ကိုယ်တိုင်ချက်လက်ရာလေးနဲ့အလှူပြုလုပ်ခဲ့တဲ့ဗွီဒီယိုလေးကို မျှဝေပေးခဲ့ပါတယ်။

ဝင်းခန့်မိုးကတော့ ခေတ်လူငယ်တစ်ယောက်မို့ မီးဖိုချောင်ကိစ္စတွေမှာမကျွမ်းကျင်ပေမယ့် သူ့ရဲ့လုပ်အားပါဝင်ထားတဲ့ အလှူလေးကိုပြုလုပ်လိုတဲ့ဆန္ဒရှိခဲ့ပြီး ထမင်းဆီနဲ့ဆားနှယ်၊ကြက်ကြော်၊ ငရုတ်သီးဆားထောင်းလေး ထမင်းဘူးလေးတွေကို ကိုယ်တိုင်တတ်နိုင်တဲ့ဘက်က ကူညီလုပ်ကိုင်ပေးခဲ့ပြီး မြေးအဘွားနှစ်ယောက် သွားရောက်လှူဒါန်းပေးခဲ့ပါတယ်။ တစ်နိုင်တစ်ပိုင်အလှူလေးပေမယ့် စေတနာအပြည့်နဲ့ပြုလုပ်လှူဒါန်းပေးခဲ့ကြတဲ့သူတို့မြေးအဘွားရဲ့အလှူလေးကတော့ ကြည်နူးစရာပါပဲမို့ ပြန်လည်မျှဝေဖော်ပြပေးလိုက်ပါတယ်နော်။

Source – Win Khant Moe
Rainbow- Cele Gabar