ပြည်မြို့မှာဘုရားဖူးသွားရင်း လမ်းခင်းတဲ့အလှူလေးမှာပါဝင်ခဲ့တဲ့ မိုးပြည့်ပြည့်မောင်

အနုပညာလောကမှာ နာမည်ကြီးလူကြိုက်များတဲ့မင်းသမီးချောလေး မိုးပြည့်ပြည့်မောင်ကတော့ ကျရာဇာတ်ရုပ်ကို ပီပြင်စွာသရုပ်ဆောင်နိုင်ပြီး ပရိသတ်အားပေးချစ်ခင်မှုကို ရရှိထားတဲ့မင်းသမီးတစ်ယောက် ပဲ ဖြစ်ပါတယ်။ မိုးပြည့်ကတော့ သရုပ်ဆောင်တစ်ဦးဖြစ်တဲ့အပြင် အကပိုင်းမှာလည်းထူးချွန်ပြီးနှင်းဆီအငြိမ့်အဖွဲ့ကိုစတင်တည်ထောင်စဉ်ကတည်းက အငြိမ့်မင်းသမီးတစ်ဦးအနေနဲ့ မေတ္တာနဲ့ ဝင်ရောက်ကူညီအားဖြည့်ပေးနေခဲ့တဲ့သူလည်းဖြစ်ပါတယ် ။

သာယာတဲ့မိသားစုဘဝလေးတစ်ခုကို ပိုင်ဆိုင်ထားတဲ့ မိုးပြည့်ကတော့ ချစ်ရတဲ့ မိသားစု နဲ့အတူ အလှူအတန်းတွေလည်း မကြာခဏ ပြုလုပ်လေ့ရှိတာကိုတော့ ပရိသတ်ကြီးလည်း သိပြီးဖြစ်မှာပါနော် ။ လတ်တလောမှာတော့ ပြည်မြို့ ကိုဘုရားဖူးသွားရင်း ပြုလုပ်ခဲ့တဲ့ သူမရဲ့အလှူလေးကို ပရိသတ်တွေကို မျှဝေပေးလာခဲ့ပါတယ် ။ ပြည်မြို့အနောက်ဖက်ကမ်းက မြေဆူတောင်နဲ့ ကျောက်ပါးစပ်တောင်တော်ကိုသွားရင်း ….ရှုခင်းတွေလဲလှ ဘုရားလဲဖူးရ လမ်းခင်း တဲ့အထဲလဲလှုခဲ့ရလို့ကုသိုလ်ပီတိဖြစ်ခဲ့ရတယ်လို့ ရေးသားဖော်ပြထားတာဖြစ်ပါတယ် ။

 

ပုံတွေမတင်တာကြာပြီဖြစ်တဲ့ သူမ ကို ပရိသတ်တွေက စိုးရိမ်နေကြပြီး ကျန်းမာရေးဂရုစိုက်ဖို့လည်း မှတ်ချက်ပေးထားကြတာတွေ့မြင်ရပါတယ် ။ မိုးပြည့်ကိုချစ်တဲ့ ပရိသတ်ကြီးအတွက် လည်း ပြည်ကိုဘုရားဖူးရောက်နေတဲ့ မိုးပြည့်ရဲ့ပုံရိပ်လေးတွေကို ဖော်ပြပေးလိုက်ပါတယ်နော် ။

Source : Moe Pyae Pyae Maung
Emily (Cele Gabar)