Cele Gabar The World of Celebrity
BLACKPINK အဖွဲ့ဝင် Lisa ကတော့ ကိုဗစ်ရောဂါပိုးကူးစက်ခံခဲ့ရတာကြောင့် ပရိသတ်တွေ စိုးရိမ်ပူပန်ခဲ့ကြပါတယ်။ ကမ္ဘာကျော်အနုပညာရှင်တစ်ယောက်ဖြစ်တာကြောင့် အလုပ်တွေမအားလပ်နိုင်အောင်ရှိနေတဲ့ Lisa ကတော့ အလုပ်တွေရပ်နားထားပြီး self-quarantine ဝင်ကာ ကိုဗစ်ရောဂါကို ကုသမှုခံယူနေခဲ့တာပါ။ဒီနေ့မှာတော့ သက်သာပျောက်ကင်းသွားပြီဖြစ်ပြီး self-quarantine မှကာလပြီးဆုံးသွားပြီဖြစ်ကြောင်းကို အေဂျင်စီမှ စာတစ်စောင်ထုတ်ကာ ပရိသတ်တွေကို အသိပေးခဲ့ပါတယ်။
“Lisa ဟာနေအိမ်မှာပဲ ဆေးကုသမှုခံယူနေခဲ့တာဖြစ်ပြီး အစိုးရကျန်းမာရေးအာဏာပိုင်တွေက ဗိုင်းရပ်စ်ဆက်လက်ပြန့်ပွားနိုင်ချေမရှိတော့ဘူးလို့ ဆုံးဖြတ်လိုက်ပြီ ဖြစ်ပါတယ်။ ဒီနေ့(၁၂)နာရီကစပြီး self-quarantine ပြီးဆုံးသွားပါပြီ။ ဒါ့အပြင် အခြားသော BLACKPINK အဖွဲ့ဝင်တွေဟာလည်း ကာကွယ်ဆေးထိုးနှံထားပြီး self-quarantine ဝင်ရန်မလိုသောသူများဖြစ်ကြောင်းနဲ့ မဖြစ်မနေလုပ်ဆောင်ရမယ့်ချိန်းဆိုမှုတွေကလွဲပြီး ပြင်ပကိုသွားရမယ့်ကိစ္စတွေကို လျှော့ချထားကြောင်း” အသိပေးခဲ့ပါတယ်။
ဒါ့အပြင်ပရိသတ်တွေကိုကျေးဇူးတင်ကြောင်းနဲ့ လုပ်ထုံးလုပ်နည်းတွေအတိုင်းလိုက်နာကာ အနုပညာရှင်တွေ ဝန်ထမ်းတွေရဲ့ကျန်းမာရေးကို စောင့်ရှောက်သွားမယ့်အကြောင်း ရေးသားခဲ့ပါတယ်။ Lisa ရဲ့ ပရိသတ်တွေကတော့ ဒီသတင်းအတွက်ပျော်ရွှင်နေကြပြီး နောက်ထပ်အနုပညာလှုပ်ရှားမှုတွေကိုလည်း ရင်ခုန်နေမှာ အမှန်ပါပဲနော်။
soompi
