Sweet Home ဇာတ်လမ်းတွဲရဲ့ season 2 မှာပါဝင်ဖို့ဆွေးနွေးနေပြီဖြစ်တဲ့ Song Kang

နှုတ်ခမ်းနီမလေးလေးရဲ့အသည်းကျော်တောင်ကိုရီးယားမင်းသားချောလေး Song Kang ကို မသိတဲ့သူ မရှိလောက်ပါဘူးနော်။ ထွက်ရှိထားတဲ့ဒရမ်မာဇာတ်လမ်းတွဲတိုင်းလိုလို အောင်မြင်ခဲ့တာချည်းပါပဲ။ သူကတော့ Love Alarm (2019–21) ၊ Sweet Home (2020) နဲ့ Nevertheless (2021) စတဲ့ဇာတ်လမ်းတွဲတွေနဲ့ လူသိများမှာပါ။

Song Kang ကတော့ နာမည်ကျော်မင်းသမီးချော Park Min-young နဲ့အတူ Office Romance Cruelty ဆိုတဲ့ ဇာတ်လမ်းတွဲကို လက်ရှိအချိန်မှာ ရိုက်ကူးနေတာလည်း ဖြစ်ပါတယ်။ သူကတော့ ထိတ်လန့်သည်းဖိုဇာတ်လမ်းတစ်ခုဖြစ်တဲ့ Sweet Home နဲ့လည်း အောင်မြင်ခဲ့ပြီး ထပ်မံထွက်ရှိလာမယ့် season 2 မှာပါဝင်ဖို့ကိုလည်း ဆွေးနွေးသွားနေတယ်လို့ သိရပါတယ်။

သူ့ရဲ့အေဂျင်စီဖြစ်တဲ့ Namoo Actors ကနေပြီးတော့ “ဒီဇာတ်လမ်းအတွက် ဆွေးနွေးနေတယ်ဆိုတာအမှန်ပါပဲ။ ဘာမှတော့ အတည်အပြုရသေးပါဘူး” ဆိုပြီး ပြောခဲ့ပါတယ်။ Song Kang ကတော့ ပရိသတ်တွေချစ်ကြသလို သရုပ်ဆောင်အရည်အချင်းကလည်းမသေးလှပါဘူး။ Horror ဇာတ်လမ်းတွဲနဲ့ ပရိသတ်တွေဆီရောက်ရှိလာဖို့ မျှော်လင့်မိပါတယ်နော်။