သန်းပေါင်းများစွာလှူဒါန်းခဲ့တဲ့ တောင်ကိုရီးယားထိပ်တန်းငွေကြယ်ပွင့်လေး IU ရဲ့ ကြည်နူးဖွယ်ရာအလှူ

အခုလိုခရစ္စမတ်နေ့လေးမှာ မင်္ဂလာရှိတဲ့သတင်းကောင်းလေးကတော့ ပရိသတ်တွေဆီကိုရောက်ရှိလာပါပြီ။ တောင်ကိုရီးယားနိုင်ငံရဲ့ထိပ်တန်းငွေကြယ်ပွင့်တစ်ယောက်ဖြစ်တဲ့ IU ကိုတော့ မသိသူမရှိလောက်ပါဘူး။ စိတ်ထားကောင်းတဲ့ IU ကတော့ အလှူတွေပြုလုပ်လေ့ရှိကြတာလည်း ပရိသတ်တွေသိပြီးသားဖြစ်မှာပါ။


အခုလိုအားလပ်ရက်လေးမှာတော့ IU ဟာ ChildFund Korea ကို ကိုရီးယားဝမ်သန်း(၂၀၀)လှူဒါန်းခဲ့တယ်လို့ သိရပါတယ်။ သန်း(၁၀၀)ကတော့ ကင်ဆာရောဂါသည်တွေနဲ့ ဝင်ငွေနည်းပါးတဲ့မသားစုတွေအတွက်ဖြစ်ပါတယ်။ လှူဒါန်းမှုတစ်စိတ်တစ်ပိုင်းကိုတော့ ဝင်ငွေနည်းမိသားစုတွေရဲ့ heating bill နဲ့ ဆောင်းရာသီအတွက်နွေးထွေးတဲ့အဝတ်အထည်တွေအတွက် အသုံးပြုမှာပါ။ ဒါ့အပြင် အဘိုးအဘွားတွေနဲ့ကြီးပြင်းလာတဲ့လူငယ်တွေနဲ့ကလေးတွေအတွက်ပညာသင်ဆုလည်း ပေးအပ်မှာဖြစ်ပါတယ်။


လှူဒါန်းငွေရဲ့အချို့ကိုလည်း Seoul ASAN ဆေးရုံရှိ ကင်ဆာရောဂါခံစားနေရတဲ့ကလေးငယ်တွေနဲ့မိခင်တွေအတွက် လည်းလှူဒါန်းသွားမှာပါ။ များပြားလှတဲ့နေရာတွေမှာ အသုံးပြုလိုက်ရတဲ့ လှူဒါန်းငွေတွေကတော့ တကယ့်ကိုကျေးဇူးတင်စရာပါပဲ။IU ကတော့ “အခုအချိန်ကတော့ လူတိုင်းစိတ်ပင်ပန်းရတဲ့ခက်ခဲတဲ့အချိန်ပါ။ နွေးထွေးမှုနဲ့အကူအညီတွေကို လိုအပ်တဲ့သူတွေကို မျှဝေချင်ပါတယ်။ အိမ်နီးချင်းတွေတစ်ယောက်မကျန် နွေးထွေးတဲ့ဆောင်းရာသီကို ဖြတ်သန်းသွားဖို့မျှော်လင့်ပါတယ်။” ဆိုပြီးတော့ ပြောခဲ့ပါတယ်။

Check Also

(၂) နှစ်ကြာပြီးနောက် ဗီလိန်ဇာတ်လမ်းတွဲနဲ့ ပရိသတ်တွေဆီပြန်လာနိုင်ဖွယ်ရှိတဲ့ မင်းသမီး Lee Min Jung

မင်းသမီးချော Lee Min Jung ကတော့ ပရိသတ်တွေရင်းနှီးပြီးသားမင်းသမီးတစ်လက်ဖြစ်သလို နာမည်ကြီးမင်းသားဖြစ်တဲ့ Lee Byung Hun ရဲ့ဇနီးအဖြစ်လည်း ပရိသတ်တွေသိကြပါသေးတယ်။ သူကတော့ ရုပ်ရှင်ဇာတ်ကားတွေကိုဆက်တိုက်ရိုက်ကူးတာမျိုးမဟုတ်ဘဲ နှစ်နဲ့ချီကြာအောင်အနားယူပြီးမှ …

x