သိပ်မကြာသေးခင်ရက်ပိုင်းကတော့ Song Kang ဟာ Sweet Home ဇာတ်လမ်းတွဲရဲ့ season 2 မှာပါဝင်ဖို့အတွက် ဆွေးနွေးနေတယ်လို့ သိရပါတယ်။ Song Kang ဟာ ရုပ်ရှင်ဇာတ်လမ်းတွဲတိုင်းလိုလိုအောင်မြင်ပြီး ပရိသတ်အားပေးမှုအခိုင်အမာရထားတဲ့ မင်းသားတစ်လက်ပါ။
Song Kang ကတော့ Sweet Home ဇာတ်လမ်းတွဲရဲ့ season 1 မှာ အဓိကဇာတ်ဆောင်အဖြစ်ပါဝင်ခဲ့ပါတယ်။ ဒီဇာတ်လမ်းတွဲအကျဉ်းချုပ်ကတော့ မမျှော်လင့်တဲ့မိသားစုအဖြစ်ဆိုးကိုကြုံပြီးနောက်မှာ အိမ်မှထွက်ခွာလာပြီး တိုက်ခန်းတစ်ခုမှနေထိုင်ခဲ့တဲ့အထက်တန်းကျောင်းသားလေးဟာ မမျှော်လင့်ဘဲကြုံတွေ့ခဲ့ရတဲ့ ထိတ်လန့်ကြောက်ရွံ့ဖွယ်ရာအဖြစ်အပျက်တွေကို ရိုက်ကူးထားတဲ့ ထိတ်လန့်သည်းဖိုရုပ်ရှင်ဇာတ်လမ်းတွဲပါ။
ဒီဇာတ်လမ်းတွဲဟာ Flix Patro မှာဆိုရင် တစ်ကမ္ဘာလုံးအနေနဲ့တတိယကြည့်ရှုမှုအများဆုံးဖြစ်ခဲ့ပါတယ်။ ယူအက်စ်မှာလဲ နံပါတ်(၇) နေရာ ရရှိခဲ့ပါတယ်။ ဒီလိုအောင်မြင်ခဲ့တဲ့ဇာတ်လမ်းတွဲဟာတော့ season 2 ထပ်မံထွက်ရှိလာမှာဖြစ်ပြီး ပရိသတ်အချစ်တော်မင်းသားချော Song Kang ကပဲအဓိကဇာတ်ဆောင်အဖြစ် ပါဝင်သွားမှာပါ။
