Charles & Keith ရဲ့ ပထမဆုံး Global Ambassador ဖြစ်လာခဲ့တဲ့ Krystal

Posted on

တောင်ကိုရီးယားအမျိုးသမီးကေပေါပ့်အဖွဲ့တစ်ခုဖြစ်တဲ့ f(x) ရဲ့အဖွဲ့ဝင် Krystal ကို ပရိသတ်တွေသိကြမှာပါ။ သူကတော့ အိုင်ဒေါလည်းဖြစ်သလို သရုပ်ဆောင်တစ်ယောက်လည်းဖြစ်ပါတယ်။ Krystal ကတော့ ပြီးပြည့်စုံတဲ့အလှကိုပိုင်ဆိုင်ထားသလို အနုပညာအရည်အချင်းပြည့်ဝသူတစ်ယောက်ပါ။


သူကတော့ စင်္ကာပူနိုင်ငံရဲ့ကမ္ဘာကျော်ဘရန်းတစ်ခုဖြစ်တဲ့ Charles & Keith ရဲ့ ပထမဆုံး Global Ambassador ဖြစ်လာခဲ့တာပါ။ Krystal ဟာ ကေပေါပ့်လောကရဲ့ ထိပ်တန်းအဆိုတော်နဲ့ သရုပ်ဆောင်တစ်ယောက်ဖြစ်ပြီး နယ်ပယ်စုံမှာထူးချွန်တဲ့အမျိုးသမီးတစ်ယောက်အဖြစ် ရပ်တည်နေတာကြောင့် သူမကတစ်ဆင့်ထုတ်ဖော်ပြသဖို့အတွက် ရွေးချယ်ခဲ့တဲ့အကြောင်း Charles & Keith ကနေပြီးတော့ ပြောခဲ့ပါတယ်။


သူ့ကိုတော့ Charles & Keith ရဲ့ Blooming Spring Collection campaign ကနေပြီးတော့ ပထမဆုံးမြင်တွေ့ရမှာပါ။ Krystal ကတော့” ပထမဆုံး Global Ambassador ဖြစ်လာရလို့ အရမ်းကိုဂုဏ်ယူကျေနပ်မိတယ်။ Charles & Keith ဟာ ဖက်ရှင်ပိုင်းမှာအမျိုးသမီးတွေရဲ့အရှိန်အဝါကိုအလေးပေးတဲ့ဘရန်းအဖြစ်အချိန်အကြာကြီးရပ်တည်လာတာကြောင့် အရမ်းကိုမိုက်တယ်လို့ ထင်ပါတယ်” လို့ ဆိုပါတယ်။