Special Episode တစ်ခုလွှင့်သွားဖို့ရှိနေတဲ့ The Red Sleeve ဇာတ်လမ်းတွဲ

Posted on

The Red Sleeve ဇာတ်လမ်းတွဲဟာ MBC ရုပ်သံလိုင်းရဲ့သမိုင်းတစ်လျှောက်မှာ ထူးထူးခြားခြားအောင်မြင်မှုတွေ ရယူပေးနိုင်တဲ့ဇာတ်လမ်းတွဲပါ။ ဒီဇာတ်လမ်းတွဲကတော့ နန်းတွင်းအချစ်ဇာတ်လမ်းတွဲလေးလည်းဖြစ်ပြီး ပရိသတ်တွေရဲ့ချီးကျူးမှုတွေကို ရရှိထားတာပါ။ ဒီဇာတ်လမ်းတွဲလေးကတော့ပြီးဆုံးသွားပြီဖြစ်ပေမဲ့ အထူးအနေနဲ့ Special Episode တစ်ခုကိုထုတ်လွှင့်သွားဖို့ရှိနေပါတယ်။


ဒီ Special Episode ထဲမှာတော့ ရိုက်ကွင်းနောက်ကွယ်ကအခြေအနေတွေ လူကြိုက်အများဆုံးဇာတ်ဝင်ခန်းတွေနဲ့ မပြဖြစ်လိုက်တဲ့အချို့ဇာတ်ဝင်ခန်းတွေ ပါဝင်မှာပါ။ ပါဝင်ခဲ့တဲ့သရုပ်ဆောင်တွေကလည်း ဂိမ်းတွေဆော့ကြမယ့်အပြင် ပရိသတ်တွေရဲ့မေးခွန်းတွေကိုဖြေကြားပေးမယ့်အစီအစဉ်တွေလည်း ပါဝင်ပါတယ်။ ပရိသတ်တွေရင်ခုန်နေကြပြီ မဟုတ်လားနော်။


Special Episode ကို ဇန်နဝါရီလ(၃၁)ရက်နေ့မှာ ထုတ်လွှင့်ပြသသွားမှာလည်း ဖြစ်ပါတယ်။ ဒီအထူးအပိုင်းသစ်အတွက်တော့ Jang Yoon Jung ၊ Do Kyun Gwanနဲ့ Hwang Kwan Ghee တို့က တင်ဆက်သွားမှာပဲဖြစ်ပါတယ်။