သားယောကျာ်းလေးကိုယ်ဝန်ဆောင်ထားရတဲ့ Park Shin Hye

ပရိသတ်တွေချစ်တဲ့ နာမည်ကျော်မင်းသမီးချော Park Shin Hye ကတော့ ဇန်နဝါရီလ(၂၂) ရက်မှာ မင်္ဂလာပွဲကျင်းပခဲ့တာ ဖြစ်ပါတယ်။ ပရိသတ်တွေချစ်ရတဲ့အနုပညာရှင်စုံတွဲလေးဖြစ်ပြီး မင်္ဂလာပွဲကိုကြေညာချိန်ကတည်းက Park Shin Hye ကတော့ ကိုယ်ဝန်ဆောင်ထားရကြောင်းလည်း ပရိသတ်တွေကို အသိပေးထားခဲ့တာပါ။

အခုဆိုရင် Park Shin Hye ကိုသူငယ်ချင်းတွေက ဂုဏ်ပြုပေးနေတဲ့ ဗွီဒီယိုလေးဟာ ပရိသတ်တွေကြားပျံ့နှံ့လာခဲ့ပါတယ်။ မင်းသမီး Uhm Ji Won ကတော့ သူ့ရဲ့vlogမှာ အဲ့ဒီဗွီဒီယိုအသစ်ကို တင်ထားခဲ့ပါတယ်။ Park Shin Hye ကတော့ သူငယ်ချင်းတွေနဲ့အတူတူစားသောက်ဆိုင်တစ်ခုမှာရှိနေတာဖြစ်ပြီး သူ့ရဲ့မင်္ဂလာဖိတ်စာကိုကိုင်ဆောင်ထားတာလည်း ဖြစ်ပါတယ်။

သူငယ်ချင်းတွေနဲ့အတူ ပူဖောင်းတွေကြားမှာပျော်ရွှင်နေတဲ့ Park Shin Hye ကတော့ Hello Baby Boy ဆိုတဲ့ ပူဖောင်းကိုကိုင်ဆောင်ထားတာဖြစ်ပါတယ်။ ဒါကြောင့်လည်း Park Shin Hye တစ်ယောက်သားယောကျာ်းလေးကို ကိုယ်ဝန်ဆောင်ထားတာဆိုပြီးတော့ လူပြောများနေတာပါ။ မကြာခင်မှာသားဦးလေးကိုဖွားမြင်တော့မယ့် Park Shin Hye အတွက် Congradulations ပါ။